Carlos Tevez chu Chinese Super League club Shanghai Shenhua tana beisei anga a khelh ṭhat loh hnuah a club hlui Boca Juniors-ah a kir leh ta.
Manchester United leh Manchester City striker hlui hian kum 2016 December thla khan pound maktaduai 40 velin Shanghai hi a zawm a, hliam a neih baka dam lai pawhin beisei a phak lo. Match 20 a khelh aṭangin goal li chiah a khung thei.
Kum 33 mi Tevez hian a nupan laia a khelhna Boca Juniors tan ṭum thum a khelhna a ni dawn, 2001-04 leh 2015-16 khan khelin heng chhung hian goal 63 a khung sak.
Argentina international hian ram paliah league nomawi pariat a chawi tawh. Premier League-ah kum sarih a hman chhungin Manchester club pahnih chu league champion a nih pui. United tan hian Champions League a chawi bawk a, hemi hnu hian Juventus chu Italy champion a nih pui leh bawk a ni.
Premier League club West Ham a zawm hmain Boca chu league title a lakpui a, Brazilian club Corinthians a champion pui tawh bawk.
credit, vanglaini