Fernando Torres chuan tun season La Liga-a a goal hmasa ber Inrinni zan khan a khung a, a club Atletico Madrid chu an mikhual Alaves lakah 1-0 in hnehna a chanpui.
Atletico hian an khelmuala goal khung tur hian minute 74 an nghah thlen a ngai – minute 69-naah Torres hi substitute bench aṭangin tlan luhtir a ni a, Liverpool leh Chelsea striker hlui hian an team mamawh chhanna a ni tih pholangin minute nga hnuah Sime Vrsaljko ball siamsak chu chakna goal ni turin a khung a ni.
La Liga inkhel dangah Valencia chu Eibar lakah 2-1 in an tawlhthlu a, a zawna league match li chak tawh Atletico hian tlanpelin pahnihna dinhmun an hauh a, hmahruaitu Barcelona hnaih bertu an ni ta. Valencia hian league match 14 chhung tlawm hmel an hmuh loh hnuah tun hnaiah an chesual a, an match hnuhnung pathumah vawi hnih an tlawm tawh! Nizanah hmahruaitu Barcelona inkhelin an result kan hre hman lo a, Club World Cup khelh vangin Real Madrid-in league match an khelh tura ruahman sa chu sawn a ni.
- Design