Your Daily News

Hmeichhe International Footballer Leh Goalkeeper Ni Bawk Chuan A Team-te Penalty Shootout-ah A Chakpui Hnuin Mipa A Nih Ringin A Nihna Finfiah Turin An Khelhpui Team In An Phut!

0 1,680

International Hmeichhe Footballer Leh Goalkeeper Ni Bawk Chuan A Team-te Penalty Shootout A Chakpui Hnuin Mipa A Nih Ringin A Nihna Finfiah Turin An Khelhpui Ramin An Phut!

Iran International hmeichhe footballer Zohreh Koudaei chu hmeichhia niloin mipa zawk a nih ngei rinna an neih avangin Jordan ram football thuneitute chuan thuneitute hnenah hmeichhia nge a nih mipa tih finfiahna nei nghal turin an phut thu an tarlang.

Jordan chuan, Asian Football Confederation (AFC) hnenah ngenna thehlutin Iran goalkeeper Zohreh Koudaei chu official in mipa nge a nih hmeichhia tih finfiaha chhuichiang turin an hriattir tawh tih India Times chuan a tarlang.

He puhna namailo tak lo irhchhuah chhan pawh Iran hmeichhe football team chuan Jordan lakah penalty shootout hmangin hnehna an chang a, Iran goal vengtu Zohreh Koudaei chu mipa a an em avang leh a che vel pawh hmeichhia ni theia an rinloh avangin tiang hian ngenna an siam zui ta a ni. He thil mak dangdai tak hi 2022 Women’s Asian Cup qualifiers, September thla an khelh tum a thleng a ni.

Ram 2 te inkhel ah hian Iran chuan an tumpui Jordan chu penalty shootout in 4-2 in an hneh a ni. An chakna chhan ber leh an hlawhtlinna chhan pawh Iran keeper Zohreh chuan vawi 2 ngawt mai goal a lut tur a saves vang a ni. Iran team te chu tun tum hi Women’s Asian Cup history-ah an lan vawikhatna a ni nghe nghe.

A landanah chuan Jordan chuan Iran hnehna an chan dan chu a pawm dam thei mai lova, Jordan Football Association president, Prince Ali Bin Al-Hussein chuan Koudaei chu hmeichhia nghe a nih mipa finfiah turin lehkha a thehlut zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!