Your Daily News

Exhibition Game-ah Cristiano Ronaldo A Inlan Loh Avanga A Fans Lungawiloten Court A Thubuai An Thehluhah Thiam An Chang

0 652

July, 2019 kuma Pre-season tour of South Korea neih tum a Cristiano Ronaldo fans lungawilote thubuai thehluh chu The Seoul Central Court chuan thutlukna tichhuakin thiam an chang tih a tarlang. He hunah hian Juventus leh K-League all-star team chu pre-season friendly match an khela, he inkhelah hian Ronaldo chu bench ah a thu tluanchhuak thak a ni. 3-3 in an in draw a nih kha.

A fans-te chuan amah hmuh chakin an inbuatsaih nasa hle a, tianga field a a inlan tak loh avang hian rilru lama hreawm tawrhna (emotional distress) an neih phah hial tih an sawi.

He friendly game ah hian match promoter The Fasta chuan advertisement lama an tarlan tawh angin Ballon D’Or tum 5 lai lo dawng tawh Cristiano Ronaldo chu a inlan dawn thu an sawi lang nghe nghe.

Mahse, Cristiano Ronaldo chu he hunah hian a inlan tak loh avang leh a khel an hmuh tak loh avangin inkhel entu a fans mi 65,000 zet chu thinrim leh hreawm takin hun an hman phah a ni. A fans-te zinga thenkhat chu hmun hla tak tak atanga thlawhna ticket leia lo kal an nia, mi pakhat phei chu Cristiano Ronaldo inkhel lai hmuh chakin Sweden atangin a lo thlawk vang vang a ni.

Ronaldo an hmuh loh avanga, a fans lungawilo mi 162-te chuan rilru lamah hreawmna namen lo an tawrh avangin court-ah thubuai an thehlut zui ta a ni. He an thubuai thehluh hi ngun taka ngaihtuah a nih hnuah game promoter The Fasta chu Ronaldo fans lungawilote hnenah zangnadawmna pe turin thutlukna an siam fel ta bawk.

Heng fans lungawilote hian an thlawhna ticket man a chanve 30,000 won – 400,000 (£20 – £270) chu The Fasta atangin an hmu let leh dawna, hei bakah hian zangndawmna leh an hreawm tawrhna fee 50,000 (£34) pek an ni dawn bawk a ni.

Court chuan Ronaldo fans-te rilru lama an tawrhna leh an hreawmzia chu hriatpuiin tiang hian thutlukna a tichhuak zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!