Your Daily News

Conor McGregor: “Second 60 chhungin Dustin Ka Knock Out Dawn”

0 1,724

UFC fans te nghahhlelh leh hun rei tak kan lo thlir tawh Dustin Poirier leh Conor McGregor rematch neih hun tur chu a hnai ta hle mai. Octagon-ah inhmachhawn tur hian ni reilote chauh hun a awm ta!

Fighter thate 2 intawh hmasak ber hun hi 2014 ah niin, featherweight Bout-ah an innuai a nih kha. Hetih lai hian Conor McGregor chuan taksa leh rilru lamah a khuh hneh hle maia, Dustin Poirier chet ngaihna hrelo chuan round 1-na ah KO in McGregor’an hnehna a chang zui a ni.

Dustin Poirier hi Lightweight fighter ah ro ro chuan fighter dangte nen khaikhin pawhin a nep hauh lo. Fighter ropui Khabib hmaa ding tur leh Title shot nei pha tura a kalkawng bumboh zawhte hi theuneu lo tak a ni. Khabib lakah erawh hnehna a chang zo ta lo a ni. 2020 fight of the year candidate ah lang phain, a fighter pui Dan Hooker chu a lo tuzal leh tawh bawk.

McGregor pawh hian Khabib lakah hnehna chang lo mahse, a lo kir leh hmasak ber niah fighter chhuanvawr “Cowboy” Cerrone chu chu first round-ah a dah tha leh hmiah bawk.

Poirier hian hmasawnna sang tak mai a nei chhova, hengte hi hmuhhmaih chi a ni hauh lo. Hemi tichiang tur hian Max Hollowway, Justin Gaethjae leh Eddie Alvarez-te chu mualphoin Octagon ah a hnutchhiat hlawm a ni.

Heng zawng zawngte hi mita hmu chung leh benga hrefiah tak chungin McGregor chuan a aia fighter filawr an awm lo tih lartir ngei a tum tlat thung. Dustin nen UFC 257-ah an inhmachhawn hunah ‘second 60’ bak a mamawhlo tih sawiin, Dustin chu “60 sec. chhungin ka dahbo ang” tiin huai takin a sawichhuak leh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!