Your Daily News

A Vawi 3 Nan Cristiano Ronaldo COVID-19 Positive Leh

0 1,018

Cristiano Ronaldo chu tun thla chhungah vawi-3 Covid-19 an test naah ala positive zel. Hetiang anih avang hian, naktuka Champions League Juventus leh Barcelona inkhel turah, Barcelona team a hmachhawn ve thei dawn ta lo a ni.

He Portuguese star hian Champions League inelnaah Lionel Messi hmachhawn theih ngei a in beisei a. Amaherawh chu a vawi-3 nan a positive tak si ah chuan a chhungkua leh a khelhpuite atang a awmhran angai zui dawn ta a ni.

Ronaldo hian karhnih liamtaah khan Covid-19 vawi-2 test in alo positive tawh a, a vawi-3 nan a positive leh hi a fans maktaduaih tel lung ati ngai zual ngei ang le. Tunthla tir khan Ronaldo hian Covid-19 inkaihhruaina a bawhchhia an lo ti tawh a ni.

October 15ah Italy Sports minister Spadafora hnenah Ronaldo hian dân a bawhchhiat leh chhiatloh an zawt a: “Health authories lam hriatpuina ni lovin, a bawhchhia niin ka ngai” a ti.

Cristiano Ronaldo chuan, “Italy a tu emaw in dan bawhchhia angin min puh a, amaherawh chu dan pakhatmah ka bawhchhe lova dawt muhlum dik tak a ni. A nihdan tur ang takin thil engkim ka ti a ni” tiin Turin a a chenna atangin a sawi a ni.

“Dan leh inkaihhruaina an siam ang zawng zawngte hi ka zawm vek a, ka zawm zel bawk ang. Dik leh fel takin thil ka ngaihtuah a, ka thiltihte hi hriatpuina thlap a ti ka ni” tiin Ronaldo hian a sawi bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!