Kar hmasa Zirtawpni liam ta khan Muay Thai Fighter rothap 2 te chu ring chhungah an inhmachhawn a, Tai Sor Jor Piek Uthai chu a beihpui fighter kum 16 mi Johan Ghazali lakah a che mawilo hle tih hriat a ni.
Muay Thai fighter 2 te hi round 3 an thlen meuh chuan boruak a sosang hle a, fighter pakhat zawk Tai Sor Jor Piek Uthai chuan a beihpui kum 16 mi Johan chu vawi engemaw zat a lei a chhuah khum zui a ni. Johan’an a hnek chhuah apiangin mawilo tak leh hmusit niawm takin Tai Sor chuan a lei a chhuah fo mai a, a tawpna erawh a duhawm lo kher mai!
Tianga Tai Sor Jor Piek Uthai’an a lei a chhuahkhum lai hian, Johan Ghazali chuan uluk mangkhengin vei zawngin a han hook siah mai a, dinglama nawn lehin canvas ah a thal ta tawp mai a ni. Tai Sor hi a din leh theih tak loh avangin Referee chuan bout a titawp zui ta a ni.
Infiamnaah fet zawk leh chapo zawk te hi a tawpah an mualpho chawk thin reng a ni. Tihian Johan Ghazali chu One Championship Muay Thai fighting organisation-ah a tum 2 nan a chak leh ta a ni.
