India rama damlo pa pakhat pumpuiah Doctor ten thir no (steel cup) an hmu tih hriat a ni. An rindanin he damlo hian thir no hi a mawngkua atangin a pumpuiah hnawhluh an rin thu an sawi.
Maharajganj district a khawsa damlo a hming tarlan loh chu a pum a nat deuh reng avangin damdawi lam mithiam te a rawn kual nual a, treatment an pek hnu pawhin atan awmzia a awm chuang lo niin an sawi.
A pum na chu a reh mai theih loh avangin, a beidawn tawpah Jaunpur, Siddharth Hospital a thawk Dr. Lal Bahadur Siddharth chu a va hmu a, X-ray an tih hnu chuan a pumpuiah thir no a awm tih an hrechhuak ta a ni.
He damlo hi August 6, 2022 khan surgery tihsak nghal a ni a, doctor te chuan hlawhtling takin thir no chu a pumpui atang chuan an lakchhuahsak ta a ni.
He thir no an lakchhuah lai video hi 73 Second a sei niin, doctor ten damlo pum atanga thir no an lakchhuah meuh chuan an mengphawk nasa tih hriat a ni.
Doctorte sawidanin, he damlo hi a pum a nat hma hian zu a rui hle niin an sawi a, dawr atanga in lam pana a haw hnu chuan pumpui nain hun a hmang tih an sawi. A mawngkua atangin thir no hi a rawlhluh an ring ber a ni.
