Your Daily News

Yangon: Social Media a lar tak ‘Intah Damdawi(တို့ဆေး)’ vanga court a inkhing an la awm lo

0 206

Yangon ah ‘Intah damdawi'[Kawl chuan တို့ဆေး tih mai a ni a, mipa in nula te chu an hriat loh hlan in an taksa ah an tat zeuh va, chuan nula te chu lo muhil in, an duh duh danin an chet pui ṭhin tiin Social media lamah a lar em em mai a ni.] avanga court a inkhing an awm lo tiin Yangon Social Minister U Naing Ngan Lin-a chuan a sawi.

Vawiin Yangon Region Parliament neihna ah MP pakhat chuan zawhna zawtin tunlai social media a lar em em “Intah damdawi” hmanga mi rangkachak zungbun te leh ṭhi te ruk a ni tih thu hi thu dik a ni em tiin a zawt a, U Naing Ngan Lin-a chuan a lo chhang a ni.

Tun thleng chuan chung ang thil thleng chu hmuh tur la awm lo mahse Police te chu civil kawr ha in mipui tamna hmunah te an duty a ni tiin a sawi chhunzawm bawk.

Hmelhriat loh te rin lutuk loh tur, inhmelhriat hnuah pawh fimkhur taka awm tur, duhamna avanga bum tawh loh, rinhelh thil hmuh chuan Police station hnaivai bera report vat theih ni turin mipui hnenah a zau zawka hriat tir an la ni ang a ti bawk a ni.

Source: 7Day TV

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com