Your Daily News

Video| Modi Sawrkarin Agriculture Marketing Bills A Passed Dodalna Lantir Laia Loneitu Navdeep Singh Chetdan Hian Online Lamah Sawi A Hlawh Tak Zet

0 714

Modi sawrkar in Agriculture marketing Bill 3 parliamenta a passed duh lohna chu India ram State tam takah loneituten dodalin buaina a sosang hman hle.

Hetih lai hian sawrkar bill passed dodaltu thahnem tak Delhi khawpui luh tumte chu UP nen an rinna bulah police-ten lo dangin Water-cannon hial an hmang tih hriat a ni.

He loneitute leh sawrkar tirh police-te innawr mek lai hian social media lamah mite ngaihven leh mi mit la em em mai thil a thleng ta tlat pek a, sawrkar dodaltu mi thahnen tak karah loneitute zinga pavalai huaisen chetdan leh huaisen zia hian sawi a hlawh hle.

Police-te leh loneitu thinrim innawr buai lai hian Police lam chuan mipui pungkhawm hnawhdarh nan water cannon an hmang zuia, Ambala loneitu Navdeep Singh chu mipui zi mup mup karah zuang chhuakin sang takah a invawrh chho a, an mahni beihna atana an hman ber Water-cannon chu a han khar phui ta hmak mai a ni.

Loneitu Navdeep Singh chet dan turu leh huaisen tak mai chu social media lamah a darh nghal thuaia, nikhat thil thuah rampum mai nilo khawvel mi hriat a lo ni ta der mai a ni.

He thil thlenna hmun hi Kurukshetra bul lawk niin an sawi a, Quint in a tarlan danin Navdeep Singh hi Graduate ngat niin an khua atanga bill dodal tura kal mi 250-te zingah a tel ve a ni. VIDEO

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!