Your Daily News

Video: Mi 2-ten Phuba Lak Nan Chhunpachangah Doctor Thawk Lai Nupa Tuakte Chu An Car Lo Tidingin Silaiin An Kaphlum

0 9,486

Zirtawp ni tlailam khan India, Bharatpur-ah Doctor thawk lai nupa tuakte chu kawngpuia car a an tlan lai chu mipa 2 ten lo tidingin, silaiin an kaphlum zui tih hriat a ni. Nupa tuak kahhlum takte hi Sudeep Gupta leh a nupui Seema Gupta-te niin, vawi 5 ve ve silaia kahhliam an ni.

CCTV atanga a lan danin mipa 2 te chuan kawngpui zau laia car lo tlan chu an bike khalh laiin an lo dang a, a chhunga doctor leh a nupui thu chu silai nen an bei zui ta a ni. Silai an hmehpuah hnu hian an tlanchhe zui tih an sawi.

Police-te sawidanin tualthattu mi 2 te hi an mihriat an nih thu an sawia, tual an thahna chhan erawh phuba lakna a ni tih an sawilang bawk.

Police-te sawidanin, Sudeep te nupa leh Sudeep a nu chu 2019 khan nu pakhat leh a fapa kum 1 mi thah thubuaiah jail-ah dah an ni. Hmeichhe thi ta Deepa Gurjar hi Sudeep Clinic ah receiptionist ah tangin, Sudeep nupui Seema chuan a pasal nen inngaizawng ah puhin a hna atang hian a ban zui ta a ni.

A hna atanga a ban hnu hian Dr. Sudeep nupui hriat lohin an in pakhatah an nufain an khawsa a, Dr. Sudeep chuan a ruka tanpuiin khawpuiah Spa leh Beauty Parlour-te a dinsak tih an sawi.

Doctor nupui Seema Gupta in a pasal leh Deepa Gurjar chungchang chu a hriat veleh a pasal nu punin Deepa chu an hmachhawn nghal a, chemical alh thei leihin a fapa naupangtê nen chuan an nungchungin an hal zui ta a ni.

Seema Gupta leh a pasal nu chu an man nghala, Dr. Sudeep pawh he tualthahnaah hian inhnamhnawihna neia puh a nia, a hnuah an man ve leh a ni.

Police-te sawidanin, Silai hmetpuaktu Anuj Kumar chu Deepa Gurjar unaupa niin, a thianpa Mahesh Kumar pawh hi a cousin a ni tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!