Your Daily News

Video: Kawngpui Lunlaia Model Zurui Khawsakdan Hian Sawi A Hlawh!

0 1,439

Kawngpui Lunlaia Model Zurui Khawsakdan Hian Sawi A Hlawh!

Madhya Pradesh, Gwalior-ah hmeichhe pakhat kum 22 a upa chuan sipai motor a lo danga, motor tlan lai a lo dan lai leh a khawsakdan mawilo tak video chu reilote chhungin mite hmuhah a darh zui tih hriat ani.

He hmeichhia hi kum 22 a upa niin, Delhi lam chhuak model a nih thu an sawia, kawngpui lunlai taka zurui chungin army motor a lo danga, motor tihdin mai chu duh tawk lovin theih tawpin motor hmalam chu driver awm reng chungin a tlawh vak vak mai a ni. Motor a pet vak vak lai hian a bag ak atanfgin zu thawl a tla zui tih an sawi.

Army driver thinrim chuanin a motor khalh atang chuan a lo chhuk a, a dinna hmun atanga awmsawn turin model zurui chu a hrilha mahse, model hian driver chu a lo nam a tawngkamin an inhnial zui ta a ni. A hnuah a dinna atanga a insawn hnuah driver chu a inkhalh pheia model zurui hi police station lamah hruai a ni. He thil thlen lai hian mipui thahnem tak an pungkhawma, hmeichhe model chu engtinmah ti ngam loin an thlir thup mai ani.

He video hi Twitter lamah shared a nia, hun reilote chhungin India ram hmuntinah a darh nghal tih hriat a ni. A hnuah hmeichhe police constable in tualchhung police station lamah a hruai phei tih an sawia, medical report nghah a nih hnuah Excise Act hnuaiah thubuai siamsak a ni.

Model pakhat ve mai ina Army official-te zahpahlo taka a hmachhawn mai hi Police te chu an thin a rim hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!