Your Daily News

Vanduai Vannei Tleirawl Lainatawm Tak Chu

0 1,971

He nu thil tawn ang hi kan chunga thleng thei vek a ni a, a lainatawm khawp mai. Pa a nei tawh lova a nu nen chauha khawsa an ni. A nu kum upa lam, hrisel lo tak a nih avangin hna a thawk thei lova a fanu kum 14 mi lek chu school chawlin a nu chu a chawl. Myanmar, Ayeyawady a khawsa an ni a, tleirawl kum 14 mi tan chuan hna fumfe tak thawh tur a awm loh avangin awmpui hna thawkin a inhlawha a khat tawkin a nu chu a va tlawh thin. Awmpui hna thawh chu leh lan a theih loh a, a riak nghal a ni.

A nu nen chuan inngai dun thin hle mahse a nu chawm nana a tawrh fan fan a tul bawk si. A maherawh chu a in tek ten an hmusit hlea a chang chuan kut hian an thlak thin. Tumkhat chu zan dar 11 velah a chhuaka tlanbo tumin Taxi a va phar. Taxi driver chuan khawilamah nge i kal dawn tia a zawh chuan kalna tur pawh ka hre lo. I duh duhna hmunah min dah rawh a ti.

Taxi driver hi misual deuh chu lo ni se, hmun fianrial lamah a kalpui duh ngei ang le. Mahse, he nu hian harsatna a tawk ngei a ni tih a hrethiam nghala news editor te a hrilh hre thuai nghal. An kawmnaa a sawi dan chuan ka awmna ten min hmusit thin lutuka tlanbo ka duh. A chang chuan intih hlum hial ka duha mahse, ka nu vang chauhin ka in tihlum lo a ti. Tichuan, taxi driver leh news editor pakhat chuan a nu hnenah an va dah leh ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!