Your Daily News

US Vice President Thar Kamala Harris Chu A Pi Leh Pute Awmna India Ram, Tamil Nadu-ah A Lawmpuina Hun Ropui Taka Buatsaih A Ni

0 444

America ram hruaitu lu thlanna hun pawimawh tak chu November 3, 2020 ah neih a nia, Joe Biden chu hneh taka thlantlin a ni. Biden hi US president 46th-na tur niin January 20, 2021 ah US rorelna inpui White House a luah dawn a ni.

Hetih lai hian Donald Trump tantute chuan inthlanna chu thil felhlel a awm nual avangin zawh a la nilo an ti ve bawk. Rorelna sang ah thubuai thehluh an tum mek a ni.

US ram inthlanna awm tawh ah chuan Joe Biden chu vote hmuh tam lamah record a nei pha hial a ni. Hetih lai hian Kamala Harris pawh India, Tamil Nadu thisen kai niin a lawmpuitu an tha hnem hle. Indian Prime Minister Narendra Modi pawhin US rorelna sangah Indian thisen kai Kamala Harris a ṭhu tur chu a lawmpui tak zet tih a sawi.

Kamala Harris Pu

Kamala Harris a nu chu Indian a nia, a pa erawh Jamaican midum a ni. A pu (a nu pa) awmna khua Gopalan Balachandran ah Vice President a tlin lawmpuina hun ropui taka an hmang a ni.

A pualin tawngtaina hun an hmanga an hlimin an lawm tlang hle. Kawngpui sirah Kamala Harris thlalak an tar a amah chu an chawimawi ve a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!