Your Daily News

Mobile App ah chhiar theih in a awm e

UDPA-in kawn chei lawmman a pe dawn

0 285

Urban Development & Poverty Alleviation (UDPA) department chuan, kumina Krismas puala Aizawla khawlai leh kâwn chei mawite hnenah lawmman a hlan dawn a, pakhatna hnenah Rs. 1,00,000 an pe dawn.

UDPA department thu­chhuah chuan, “Krismas vuak­vêtah Aizawl khawpuia veng ṭhahnemngaite’n an veng chhung kâwn remchang lai mipui hmuhnawm tih turin an chei ṭhin a, sum, hun leh thâ sênga naupang, mimal, chhungkua leh mipui náwlpuite hmuhnawm tih tura kâwn an chei ṭhin hi Mizoram sorkar chuan thil ṭha tak a ni tih hriain, veng hrang hrangte inpekna ropui a ti a, a fak a ni,” a ti.

UDPA department chuan, Home Minister kaihhruai Co-ordination Committee on Traffic Management-in a ngen angin, UDPA chuan kumin Kris­mas vuakvêta Aizawl khawpui chhunga veng hrang hrangin an veng chhung kâwn an chei mawite chu lawmman pakhatna aṭanga pathumna thleng a siam dawn tih a tarlang a ni.

UDPA department-in lawm­man an pek dan tur chu – pakhatna hnenah Rs. 1,00,000; pahnihna hnenah Rs. 70,000 leh pathumna hnenah Rs. 50,000 a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com