Your Daily News

Tuilian Tuarte Tana Chawhmeh Fun A Buatsaihah A Neihchhun Rs.100 Note Zep Telin A Hnuah Miten A Thil Tih An Hriat Chhuah Meuh Chuan…

0 520

India ram, Kerala state-ah tui nasa taka lianin mi tam takin an in leh lo bakah an ran leh an thlaite an chân nasa hle a, tanpui ngaiin an rum tak meuh a ni. Hetih lai hian mi inpe leh thahnemten ei turte khawnkhawmin theih ang angin tanpuina an hlan tih hriat a ni.

Chhiatna avanga harsatna thleng mek karah Kerala-a social media hmangtuten plastic chhunga pawisa Rs.100 an hmuh chungchang chu a lar hle.

He pawisa Rs.100 note hi Kannamaly police pakhatin a hmuh thu hriat a nia, police-te chuan Ernakulam District, Kerala hmuna tuilian tuarte tanpuina chu mi tlawmngaite hnen atangin an khawnkhawma heng an thil khawnkhawm zingah hian chaw funah pawisa 100 hi plastic chhungah an hmu tih an sawi.

Kannamaly Circle Inspector Shiju’an he pawisa 100 note chungchang hi Facebook lamah a shared hnuin a darh ta chiam maia, Malayalam tawnga a post siamah hian police officer chuan tanpui ngaite an lainatawmzia leh tanpui a duhthute chu a sawi lang ve nghe nghe.

Police Officer post chu a darh tak chiam hnuin he pawisa petuin a nihna leh hming tarlan a duhlo nachungin chhui chian chakna an thinlungah a awm ta nghal a ni. Police-ten he sum petu, ngilnei tak hi an chhuichian hnuah Kannamaly khuaa hmeichhe pakhat Mary Sebastian a ni tih an hrechhuak ta a ni.

He thil hi eng vanga ti nge a nih tih an zawh chuan a neih chhun MGNREGA sum tlemte a lak atanga tanpui ngaite tana a pek a nih thu a sawia, tanpui duh hle mahse hei hi a theih tawk a ni tih a sawi. Sebastian leh a pasal hi inhlawh chawpa ei zawng ve mai an nia, Lockdown avangin hna an thawk chhunzawm thei lova, an dinhmun pawh a harsa ve hle tura ngaih a ni.

A ngilneihna leh a thil tih avang hian Sebastian chu Police-ten lawmpuina thuziak an hlan hial a ni.

“An harsatna leh an khawngaihthlakziate hriain an mahni tanpui nan ka theih ang tawk engemaw tal tih ve ka duh a ni” tiin police-te hmaah mi ngilnei Sebastian chuan a sawi chhuak a ni. A fakawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!