Your Daily News

Tu A Neih Ve Theih Nan Tiin Thenawm Mipa Naupang Kum 7 Mi Chu Chocolate Hmanga Thlemin A Thata, Thlarau Sual Hnenah Inthawi Nan A Hlan

0 427

Pa pakhat chuan mipa naupang kum 7 mi chu tuikhuah hmunah Chocolate hmanga thlemin a that zuia, a thisen chu inthawina atana a hlan tih hriat a ni.

September 13, 2020 khan Odisha’s Coastal Balasore District, Dhaiansahi thingtlang khuaah naupang pakhat chu pawnah a infiam laiin a bo tih hriat an sawi.

Police-te chuan he thil thleng mak tak mai hi chhui zui nghalin a tuk mai ah mipa naupang kum 7 mi ruang chu tuikhuah bulah an chhara, a thawmhnaw hak laite pawh thisenin a khat tih an sawi.

September 13 (Sunday) ni vek hian tualthattu nia ngeia rinhlelh kum 52 a upa, Laxmidhar Mallick chu police-ten an man zui ta a ni.

Khantapara police inspector Sanjay Parida sawidanin he tualthatna rapthlak tak hi sakhaw puithuna âtthlak rinna avanga thleng a ni tih a sawi. Mallick in tual a thah chhan chu an monu (a fapa nupui) chuan kum 5 zet liam hnu pawhin fa a pai thei lo tih a sawia, naupang thisen hmanga inthawina a hlan a nih chuan tu a nei thei ang tiin a mumangah hrilhtu an awm niin a sawia pu nih ve a duh luat avangin tual hial a thah phah niin a sawi lang.

A fapa nupui chuan fa pai theih nan vawi tam tak tualchhung doctor-te pawh a rawn thina, Ayurvedic damdawi pawh a ei fo tih sawiin a rai thei ta chuang lo a ni.

Tianga beidawng tak leh tu neih chaka a awm mek laiin tualchhung nu pakhat, thlarua thiltithei in a awmpui nia insawi chuan tu a neih nan an thenawmte mipa naupang thata a thisena inthawina hlan turin thurawn a pe ta a ni. Mallick chuan he thurawn hi zawmin tiang hian tual a thah phah ta tih Indian Express chuan a tarlang.

He tualthatnaah hian Mallick bakah tualthatnaa inhnamhnawih a fapa, Bhagrirathi pawh man a nia, hremna na tak pek an ni dawn tih police inspector Parida chuan a sawi.

Odisha hi India ram state-te zingah lehkha thiam tlemna ber niin state rethei tak a nia, hmun tam zawk ah chuan an nunphung a mawlin hman lai inthawina ang chite pawh vawiin ni thlenga ti chhunzawm zel an tam hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!