Your Daily News

Train Chhunga JDU MLA Khawsakdan Hian India Ram Pumah Sawi A Hlawh

0 2,073

India ram, Bihar MLA ni lai mek, Janata Dal-United (JD-U) MLA Gopal Mandal chu First class rel ah kekawrte nena a teihawi lai hmuh a nia, he a khawsakdan hian sawi a hlawhin mi tam tak ngaihtuahna a chawk buai hle!

He thil duhawm lo tak hi Patna to New Delhi train service Tejas Rajasthani Express chhung a thleng niin, Ningani liam ta khan he train a chuang ve passenger pakhat chuan Gopal Mandal thlalak chu social media lamah a tarlan hnuin mite hriatah a darh zui ta a ni.

Co-passenger pakhat sawidanin, JDU MLA ni laia Gopal Mandal chu tawngkam mawilo tak takin a tawng chhuah bakah a khawsakdan mawilo tak avanga amah zawhna zawttute chu tawngkam na tak takin a vau zui tih an sawi.

Report atanga a landanin Bihar, Gopalpur atanga MLA thlantlin Gopal Mandal khawsak dan mawilo tak chu Railway thuneitute hriattir an nih hnuah passenger te leh Gopal Mandal inkarah inhnialbuaina a chhuak zui niin an tarlan g bawk.

Buaina a chhuah hnu hian MLA leh a chuanpui passengerte inkarah RPF leh TTE lam chuan ban an phara, boruak muanawm a awm theih nan theih tawp an chhuah tih Chief Public Relations Officer Rajesh Kumar, East Central Railway chuan a sawi. Tianga buaina a chhuah tak hnu hian Mandal chuan a kekawr phelha kekawrte nen chauh train a chuan chhan chu a pum a nawm loh vang niin a sawi ve bawk.

Mandal chuan, “Train a tlan tan chiah tihah ka ek a chhuak nghala, ka kekawr chu ka phelh thuaia towel keng tho siin veng hman loin ka koki ah ka bat hman tawk a ni” tiin a chunga thil thleng chu a sawifiah zui a ni. Kekawrte nen chauha a awm lai hian rail ah hmeichhia an awm loh thu a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!