Your Daily News

Rawlthar Kum 15 Miin A Farnu A Lo Pawngsual Fo Avangin Man A Ni

0 2,899

India ram, Vallivakam khuaa cheng rawlthar kum 15 mi chuan a farnu ngei, kum 14 mi chu a lo pawngsual fo avangin police-ten an man. December 2019, kum liam ta atang khan vawi engemaw zat a lo pawngsual tih an sawia a nu hnenah sawilo turin a vau beh tlat avangin a sawi ngam lo a ni.

Unaute hi An nu leh pate an inthena a nu chuan pasal dang a neia an vaiin a nu pasal hnuhnung zawk inah an khawsa tih an sawi. A nu leh a pahrawn awm loh apiangin a farnu chu a lo pawngsual thina, a farnu chuan a chunga thil thleng chu a zirlaipuite hnenah a sawichhuak ta a ni.

A thiante chuan a nu leh a pahrawn hnenah an sawi chhuaka ta a, police hnenah an hriattir ve nghal tih an sawi. An unau chuan police-ten thu an zawhfiah hnuah rawlthar kum 15 mi chu police station lamah hruaiin thubuai an siamsak tih an sawi.

India ramah hian hmeichhe chunga hleilenna leh mi pawngsual chu a nasa hle a, 2020 February thla pawh khan naute thla 5 mi chu a cousin in a pawngsuala a thi tih an sawi. Inneihna hun an hman dawnah naute hnute hnekna lain hmeichhe nausen chu hmundangah a kalpui tih an sawi.

An rawn haw har em avangin an thenawmte chuan zawngin naute chu an hmu ta a ni. A pawngsualna lamah naute thla 5 mi chuan hliam na tak a tuara damdawi in lamah dah nghal niin doctor-ten enkawlna an pek mek laiin a hliam tuar loin a boral zui tih an sawi a ni. Rapthlak hle mai.
(TOI/TNN)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!