Your Daily News

Thutiam Danglam Leh Maksak Tak Duanga Inremna An Neih Hmasak Hnuah Nupaah An Insiam

0 1,133

India ram hi hriat theuh angin hnam ze hrang hrang nei awmkhawmna a nia, nupui pasal inneih thuhlaah pawh tihdan leh kalphung a in ang lo hle. Hmanni lawk July 9 pawh khan Assam-ah inneihna dangdai tak a thleng tih hriat a ni.

Mopa Mintu chhungte leh a nupui tur Monu Shanti chhungte ve ve chu an fate inneih hmain inhmuhkhawmna an nei a, he hunah hian inremna point pawimawh tak leh mak danglam tak tak duang hmasain hming an ziak hnan tih an sawi a ni.

Monu leh mopa chhungte thukhawm chuan, tiang hian an fate inneih hmain inremna an ziak a. An inremna chu, thlatin vawi 1 Pizza ei tur a ni. Indian food Ghar Ka khana ei ngei tur a ni bawk. A dang lehah chuan chaw ei dawnah nuar loh tur a ni.

A chunga kan ziahlan te bakah hian, monu chuan nitin mai Saree a kaih tur a ni a, zan lamah party na hmunah kal phal a ni a. Ni 15 danah bazar ziah tur a ni a, Gym-ah kal fo tur a ni bawk.

Tiang hian a mipa chhungte leh hmeichhe chhungte chuan an fate inneih hmain inremna chu lehkha phekah uluk tak maiin an signed a, an chhungte ve ve bakah an thian thate pawhin hriatpuina hming an ziak ve bawk.

An sawidanin, heng ang thutiam awmsa hian nupa innei thar te chu an inkarah buaina awm mahse engemaw chen nupa inkara harsatna tlazep tur a veng ve niin an sawi a, a tak ramah an nupui thei a nih chuan thil tha tak tur chu a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!