Your Daily News

THLALAK TUMIN A THLARAU A LA

0 347

January 27 sunday zinglam dar sawm pakhat leh a chanve velah kum 19 mi vel thiandun Ms Su Myat Wei leh Myo Nan Da Kyawte chuan Kawkareit township, Kawkareit – Myawadi Asia high way sir maia awm Taung Naw water fall chhipah thla lak tumin an lawn a, an chesual palh ta a, feet 200 a thukah an tlahlum ta a ni.

Ms Su Myat We hian a chhipa thlalak a tumnaah chesualin, a thiannu hian chhan a tumna lamah chesual vebawk niawmin the global new light of Myanmar chanchinah an tarlang.

Ms Su Myat Wei hi a tlaknaah lung khawkrawkah a lu chu a sawh avangin a thi nghal a, a ruang pawh Kawkareit central hospitalah an thawn nghal a ni. Tin, a thiannu Myo Nan Da Kyaw hi chu a thi nghal mai lova, Myawadi damdawiinah an dah a mahse chhan theih lohvin a thi ve bawk.

Ms Su Myat Wei hi Myawadi myo, Paye khuaa awm a ni a, a thian Myo Nan Da Kyaw hi chu Pego division, DeihOo township Yaumah khuaa awm a ni. Hetia an chetsual tum hian an thiante pariat nena zin vak vel an ni. An thih dan hi a felhlel em tih chu policeten an chhui mek a ni.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!