Your Daily News

Mobile App ah chhiar theih in a awm e

TAXI DRIVER RINAWMIN A TAXI CHHUNGA AN THEIHNGHILH DOLLAR 14,000 A NEIHTU HNENAH A PE KIR

0 602

American khualzin pakhat chuan a taxi chuannaah dollar 14,000 a theihnghilh a ni, Driver hian a tukah a taxi chhungah chuan passenger theihnghilh pawisa chu a hmu a, a neihtu dik tak zawng chhuakin a pe kir a ni.

January ni 12 tlai dar 6 vel khan Yangon khawpuia a American khualzin pakhat chu a thlenna PaLe condo atangin 52 street lam panin in taxi a chuang a, a bag chu taxi chhungah a theihngilh thu tourist  police te hnenah a report a ni.Khualzinmi hian a bag chhungah dollar 100 note 142, passport pahnih leh laptop dollar 1,000 man a awm thu  january ni 13 khan police hnenah a hrilh, mahse a chuanna taxi number a hriat tawh loh thu a sawi tel bawk.

American khualzinmi hian a bag a theihngilh thu a report hnu rei loah chuan Taxi  driver rinawm tak hi tourist police office ah rawn kal vein a taxi chhungah khualzinmi pakhatin bag a theihnghilh thu a rawn report ve a ni. police ten American khualzinmi hnenah a bag an hmuh thu an hrilh chuan a lawm hle a ni.

Khualzinmi hian taxi driver rinawm tak chu hmuh a chak ta hle a, police te chuan taxi driver hi an koh sak a ni, American pa hian taxi driver chu thingpui man dollar 1,000 a pek bakah a rinawmna chu a ropui a tih thu leh a ngaihsan zia thu Taxi driver hnenah a hrilh tel bawk.

Khualzinmi chuan ti hian a sawi bawk, ” Mihringte thatna leh midangte chunga an rinawmna hi a mak ka ti ta hle mai, ka bag, ka engkim awmna chu a chhunga thilawm pakhat mah bo lo in ka hnenah a rawn let leh hi a mak a ni, tuna ka bag ka hmuh let ang hian khawvel ramdangah chuan nise ka hmu let tawh ngai lo ang tiin a sawi a ni.

Taxi driver rinawm tak hi kum 43 mi niin a hming chu Pu San Yuh ani a east dagon,Nawady street 133 venga cheng a ni.

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com