Your Daily News

Sushant Singh Kha Dawood Ibrahim Gang Rual-ten An That: Ex-RAW Officer NK Sood

0 1,485

Actor Sushant Singh intihhlum dan chu mak tilo reng an awm lo. A thihna chungchangah hian a inawhhluma avangin thawchham in a thi tih bak engmah police-te pawhin sawi tur an nei lo a ni ber.

A mimal tak phei chuan Sushant thihna chungchangah kâ ang ngam an awm lo tluk a ni.

He thihna chungchangah hian Ex-RAW officer, NK Sood chuan thudang lam leh mak tak a sawi chhhak ve leh ta tlat mai le. Sushant hi Dawood’an a gang rualte that turin thu a pe an that a ti hmak mai. Sood hian a sawi zawmnaah pawh Dawood gangte hian Sushant Singh hi vawi tam tak thahah an vaua, he vauna avang hian Sushant pawhin vawi 50 chuang a phone number a thlak thu pawh a tarlang bawk. Hei bakah hian Sushant thawhpui mi thenkhatte pawhin Dawood pawlte hi an pui niin a sawi bawk.

NK Sood sawi danin he tualthahna hi plan awmsa hmanga kalpui a nih chhan sawifiahin a inawhhlum hma chiah khan CCTV camera pawh off a ni tih a tarlang leh zel a ni. Suhshant hian thah tuma vauna a tawh fo avangin a chang chuan a car ahte a mut phah a ti a ni.

Deputy Commissioner of Mumbai police Abhishek Trimukhe pawhin he Sushant thihna thubuai hi sawrkar pawhin uluk takin a chhui renga police-ten an theih tawp an chhuah mek a ni tih ring ngam turin ramchhung mipuite a ngen ani.

Police-ten a thihdan an hmuhdan leh NK Sood hmuhdan chu a inpersan hle tihna nia, eng ber nge thudik tih chu a lang chhuak ngei turah ngai ila.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!