Your Daily News

SRK Fapa Aryan Khan Leh Actress Pandey-te Damdawi Ruihtheih Khawih Kawnga An Inlaichinna Thuruk NCB In An Hailang!

0 4,466

Actor lar SRK fapa Aryan Khan chu October 2 khan Narcotics Control Bureau (NCB) ten nuam an tawlna lawnglianah damdawi ruihtheih kaihhnawihah a mana, thil awmdan chhui zui mek zel a ni.

Aryan Khan hian thurualpui 2 a nei a, Arbaaz Merchant leh Dhamencha te an ni. An 3 hian Jail-ah kawl mek an ni a, damdawi hmanga sumdawnnnaah an inhnamhnawih em tih leh eng angin he thil hi an kalpui tih chu NCB chuan an chhuichiang mek zel a ni.

Aryan Khan chetdan NCB ten an chhuichianna kal zelah, nimin khan actress Ananya Pandey chu Court ah thuzawhfiah atan koh a ni. Ananya Pandey hi NCB official ten tum hnih an ko tawh nghe nghe.

Official ten News agency an hrilh danin Actress Ananya Pandey leh Aryan Khan te chu tangruala puh an nih bakah damdawi thalo lakluh leh khawih kawngah inhnamhnawihna an nei nia an ngaih avangin an mobile phone leh Laptop nen lam endikna an nei zui bawk.

Heta an thil hmuhchhuah chu 2018-19 kumah Actress Ananya Pandey hian Aryan Khan hnenah damdawi supply a nih theih nan tum 3 lai a pui tih an tarlang a, damdawi hralhrutute number leh an chanchin chu Aryan Khan hnenah hrilhin an chanchin leh thil pawimawhte a lo pe thin a ni tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!