Your Daily News

Sawrkar Damdawi Inah Kangmei Nasa Tak Chhuak Avangin Nausen 10 An Thi

0 654

January 9, 2021 zinglam dar 1am velah Maharashtra, Bhandara hmuna sawrkar damdawi in pakhatah kangmei nasa takin chhuakin nausen 10 an thi tih hriat a ni.

He kangmei hi nausen dahna room atanga in tan niin an sawi a, nausen 7 chu an chhanchhuak hman hlauh tih an sawi. Damdawi ina hnathawk lai Sandeep Kadam sawidanin, kangmei chhuah hun hi zinglam dar 1:30am vel niin a sawia, nurse 2 bakah thawktudangte chuan nausen 7 chu an chhan hman tih a tarlang. Kangmei an thelh mih hnuah an han enchianga, nausen 10 lai mai chu chhan hman lohin an boral tih a sawi.

Kangmei a chhuah lai hian thilpuak ri a nasa hle a, kangmei thelhtumtute pawh duh angin an che rang thei lo a ni. Theih tawpin tang mahsela, nausen awm zawng zawng erawh an chhanchhuak thei ta chuang lo a ni. Damdawi in a kan chhan tak hi hriat ala ni rih lo a ni.

Naute dahna room ah hian Ningani thleng khan nausen 17 an awm a, khum 36 vel a awm bawk. Bhandara District Health Officer Dr Prasant Uike chuan nausen thite hi kar 2 bawr vela upa an nih thu leh meikhu avanga thawk harsat avanga thi an nih thu a tarlang bawk.

He vanduaina thleng avang hian damdawi ina thawkte chu mipuiten an sawisel nasa hle a, an inthlahdah avangin nausen nunna chan an tam thu an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!