Your Daily News

Sakhaw Danga Inlehna Thubuai Kaihnawihah Mipui Pungkhawmten Police Staion-ah Pastor Kut An Thlak!

0 711

Sakhaw Danga Inlehna Thubuai Kaihnawihah Mipui Pungkhawmten Police Staion-ah Pastor Kut An Thlak!

Raipur, Purani Basti police station-ah pastor pakhat chu mipui pungkhawmten kut an thlak chiam tih hriat a ni. Pastor leh a thawhpui mi thenkhatte chu Police station-ah thuzawhfiah atan koh an nia, hetih lai hian buaina a chhuak zui ta a ni.

Police Station lamah sakhaw pakhat atanga sakhaw danga inlet tura innawrluihna a awm niin report a lut a, hetih lai hian pastor leh a thawhpui mi thenkhatte chu Purani Basti Police station lamah koh an ni ta a ni.

Police station an thlen chuan pastor zuitute leh lehlam pawlte chu station chhungah police te awm laiin tawngkamin an inhnialbuai ta a, pastor tang lai a hming tarlan loh leh eng kohhran ber nge tih hriat loh chu mipui pungkhawmte chuan kut an thlak zuia, slippers leh pheikhawk hmangin an vawm zui tih an sawi.

Additional Superintendent of Police (city) Tarakeswar Patel sawidanin, a hmain an station-ah heng ang sakhaw thila complaint chu an la dawng ngai lo tih a sawia, pawl 2 te inhnialna avang hian engmah harsatna lian tham erawh a thleng lo tih a sawi bawk. An tawn hriat atangin thil awmdan chhui zui a ni dawn tih a sawilang bawk a ni.

He buaina kaihhnawihah hian police te chuan mi 7 chungah thubuai an ziak lut nghal a, buaina lo chhuah chhan dik tak chu chhuizui a ni dawn tih an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!