Vawin zing khan Sagaing lung laihnaah khur a chim avangin mi pathum an thi a, pakhat a hliam. Pakhat a la dama chu Mandalay damdawiinah thawn nghal a ni a, a thite ruang pawh phawrh fel a ni tawh bawk. Mahse pakhat a la bo an tih avangin kan zawng zel dawn tiin Mandalaya Myanmar rescue pawla mi Suan Htet Aung chuan a sawi.
He lungkhur chim hi Sagaing atanga mel thum vela hla Tawngnyo khaw thar chhim lamah a awm a, kawng siamtuten kawnga phah tur a tan an lak thinna hmun a ni.
Hemi lung tlang hi a chhehvel khuaten mahni eizawn nan an laih thin a nih avangin a chim lai hian mi engzatnge awm tih pawh a hriat theih loh tiin rescue pawl secretary U Soe Min chuan an sawi.
Khawl liante nena laih a nih lova, a hniam lai atang an lai a, a rei chuan pukah a chang a, a thukna laiah phei chuan tractorte an khalh lut thin a, tun pawh hi tractor pakhat a lut a, lung an hlan laiin a rawn ri thuai a, pakhatmah tlanchhuak an awm lo tiin a piah deuhva lunglaituten an sawi.
source ‘BBC’
