Hei hi January 12 a thlalak a ni. Yatihtawng bial, Tetpyikyah refugee camp a ni hi. Helai hmuna awm refugeete mamawh zualte chu tui tha, riahbuk tha, damdawi leh ei-in thate a ni.
A buaithlakna ber chu heng raltlante zingah hian pitar leh putarte, raipuarte, naupang leh abikin damlo emergency tanpui ngaite an awm hi a ni. Myanmar human relief ang Health department-ten an theih ang tawk chuan rikrum damdawiinte an siam ve phawt a, a tul zualte chu khawpui lamah phurin an thawn zel bawk tih health director Doctor Tan Htun Aung chuan VOA hnenah a sawi.
‘Tuna kan hlauh ber chu mipui tamtak tui khamlohna hmuna khawsa an ni a, inkaichhawn theih natna a chhuak ang tih hi a ni. Natna engemaw a awm chuan rang taka report turin enthlatute kan dah bawk a, kan mobile team thenkhat pawh Butitawng lam panin an kal mek’ tiin Doctor Tan Htun Aung chuan a sawi.
source ‘VOA’
