Your Daily News

Mobile App ah chhiar theih in a awm e

Rakhai MaungTaw bialah ruihhlo tamtak an man

0 54

Myanmar ram, Rakhai state MaungTaw-ah WY ruihhlo mum 8,700,000 an man a, pawisain lei dawn ta ang ila cheng Miliion 17550 kyats a man a ni. A neitu ni tura an ngaih mi pakhat pawh an man tel bawk a ni.

March 2 zan 8:00pm vel khan MaungTaw khawpui chhim lam deuhva awm Wetali khua ‘Shwe Oo, Ngui Oo’ car workshop pawn lam, Maung Taw – A Ngu Maw motor kawngsirah Hino motor a dinga, Chumi HINO motor chu an rinhlelh avangin Drug policeten an han check chuan ruihhlo tamtak chu an man ta a ni.

Heng WY te hi HINO motor chhuat hnuaiah an dah a, a neitu hriat a nih loh avangin a bul lawk atangin an thlingthla renga, mi pakhat hian hemi HINO motor bulah hian bike nen vawi hnih a rawn kala, hla vak lovah a dinga, telephone a be leha, an rinhlelh tak avangin thu zawh tuma an han hnaih chuan a tlanchhe ta mai a, silain an kap zui ta a, an um nghal a, khawchhungah Maung Myint Soe a khup veilam kah hliam chu an man ta a ni.

Amah hi damdawiinah an kalpui phawta, hemi ruihhlo nena inkungkaihna nei zawng zawngte man turin thu an zawt fiah mek a ni.

source ‘DVB’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com