Tun kar Nilaia kawl sipai leh AA an inkah hnu deuh lawk khan kawl sipai lam chuan AA-ho camp pakhat an laksak thu an puang a, mahse AA lam chuan dawt a ni an ti. Kawl sipai lama thusawitu chuan ‘ni e Nilai ni khan an camp pakhat chu kan sipaiten an la chiang, engang camp tih erawh chu ka chiang bik lo, temporary camp pawh a ni thei tho, hliam tuar pawh kan awm ve ve, mahse AA sipai ruang 5 leh an silai pahnih kan chhar’ a ti.
Mahse AA lam thusawitu U Khai Tu Khah chuan ni 16 Nilai niah Tayetpyin lama inkahna pakhat mah a awm lova ni 13 a inkah an sawina a ni ang a ti ve thung. January 13 khan AA leh Kawl sipai chu an inkap ngei a, Phungnileih leh Chaki, bengali khaw hniha mipuiten hliam an tuar chungchangah pawh heng pawl hnih hian an indem ve ve.
AA lam chuan kawl sipai an nat em avangin laipuite an hmanga chuvangin civilmiten an tawrh phah a ni an ti. Kawl sipaiten AA sipai ruang nga kan chhar an tih pawh kha kan sipai an ni lo, civilmi bengali-ho ruang a nih ka ring a ti. Hemi buaina avang hian Rakhai stateah himna a awm lova, Yatihtawng biala khawte lal mi sawmthum velin banna lehkha an theh lut a ni.
source ‘VOA’
