India rama putar pakhat chu a pumnat avangin hospital ah an zai a, a pum chhung atang rangkachak tlawn 12 an phawrh chhuah avangin doctor te chuan mak an ti hle.
Thil thlen dan hi putar kum 63 hian tuium chhin a dawlh palh avanga a pumna chu January thla tir lam khan a pum zai turin Delhi a hospital a rawn pan niin an sawi. A pum hi a na hle a, luak pawh a luak thin a ni. Mahse a pum an zai chuan tuium chhin ni loin rangkachak tlawn 12 an phawrh chhuak a ni.
A pum chhung kawla kan endik hian tuium chhin kan hmu lo a, mahse thir ang deuh erawh kan hmu a mahse eng ber nge anih kan hre lo a, kan han zai meuh chuan rangkachak tlawn 12 ngawt kan phawrh chhuak ta mai chu a mak kan ti hle ani tiin Sir Ganga Ram hospital a doctor C S Ramachandran chuan a sawi. Tax department lam chuan he putar hian tax a pek duh loh avangin dawt a sawi ani tiin rangkachak hi an lak sak a ni.