Your Daily News

Principal Post Inchuhbuaia An Insualbuai Lai Video Chu Social Media Lamah A Darh Zui!

0 809

Bihar Government School-ah Principal post inchuhin zirtirtu 2 chu an insualbuai tih an sawi. He zirtirtu 2 te insualbuai lai video hi internet lamah a darh zui tih hriat a ni.

He thil duhawm lo tak hi State education department office, Motihari a thleng niin, an khawsakdan mawi lo tak mai chu social media lamah a lar hle.

Report in a tarlandanin, teacher 2 Shivshankar Giri leh Rinki Kumari te chuan Principal post luah tumin an bei ve ve a, an 2 hian Adapur Primary school a thawk an ni.

An 2 hian thla 3 chuang teh meuh chu an insual bakah tawngkam na tak takin an inbei zui a, tu nge Principal Post luah turin senior zawk tih chu an auhla ber a ni tih NDTV chuan a tarlang.

An inkar boruak alh chho mek avang chuan district education department chuan order chhuahin Shivshankar Giri leh Rinki Kumari te chu an qualification leh leh lehkha pawimawh thehlut turin an ti ta a ni.

Tianga document thehlut tura an inbuatsaih mek lai chuan Office ah an inkar boruak inmung chho mek chu a alh chhuak ta a ni. Tawngkam thalo tak taka an inbeih hnuah taksa lam thlengin an inbei zui ta a ni. An insualbuai dan chu a theu neu lo hle a, MMA artist ang hrimin an nghawngah te an inrek zui bawk a ni.

District education department staff lam chuan an 2 chuan an thelhmit thei ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!