Your Daily News

Poonam Pandey Leh Sherlyn Chopra-ten Puitling Film Industry An Luhchhanah Shilpa Pasal Raj Kundra An Puh

0 2,205

Sumdawng hausa Raj Kundra chu puitling film thalo siamchhuah thubuaiah Police-ten an mana, Police-te sawidanin Kundra chuan puitling film lam sumdawnna hi London a inkhuar firm a thawk a chhungkhat laina hmangin India tan a thehdarh thin tih an puang!

Kundra khawsakdan chu meialh ang maia a darh chuai chuai hnuah, mi tam takin heti lam hawi sumdawnna kaihhnawih thu nawi leh hmehbel tur an sawichhuak nasa hle a ni.

Raj thangkamah hian hmeichhe chhelo tak 2 Poonam Pandey leh Sherlyn Chopra-te chu an awk ngei niin tun dinhmunah social media lamah an chanchin a darh nasa hle a ni. Hmeichhe 2 te hian puitling film industry lamah an luh takna chhanah Raj Kundra chu an puh zui bawk.

Complaint thehluh anih lai hian Poonam Pandey leh Sherlyn Chopra te hming pawh a lang tel bawk a, tunah chanchin kimchang deuh zawk chu a irhchhuak ta a ni.

Sherlyn statement record atanga a landanin, Raj Kundra hian Raj Project kalpui nan Rs.30 Lakhs a pe tih hriat a nia, project 20 vel chu an zo tawh tih hriat ani bawk.

Report dang leha a landanin, Poonam Pandey chuan Raj lakah 2019 khan thubuai a lo thehlut tawh bawk a, Poonam App chu Raj firm Armsprime media nen thlunzawm niin sum lut chungchangah diklohna a awm niin tarlan a ni. An contract a tawp hnuah Raj chuan Poonam phalna la hmasa loin a video te a firm atanga sum hmuh nan a hmang tih hriat a ni. An inzawmna a tawp hnu pawh hian Poonam chu a hmang tangkai ta zel tih an sawi a ni.

Hetih lai hian Raj Kundra chuan a comapany shares chu a hralh tawh thu leh investments lehkha pawimawhte pawh thuneitute hnenah mumal takin a submit tawh thu a tarlang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!