Your Daily News

Police-ten VIP Hman Atan A Oxygen Cylinder Hman Lai An Chhuhsak Hnuah Nu Lainatawm Tak Chu COVID-19 Vangin A Thi

0 1,201

Uttar Pradesh, Private Damdawi inah nu pakhat chu COVID-19 natna vangin a awm a, a oxygen bur vuah lai chu Police-ten a aia mi pawimawh zawk VIP hman atan an laksak hnuah a thi tih hriat a ni.

A fapa Anmol Goyal kum 22 mi chuan Police-te hnenah a nu Oxygen cylinder hman lai chu laksak lo hram turin a ngen a, “Oxygen bur hi in la a nih chuan ka nu hi a thi dawn a ni tiin” police-te hmaah thingthiin a tap lawm lawm mai ani. He thil thleng duhawm lo tak mai lanna video hi social media lamah a darh nasa hle tih an sawi.

Anmol Goyal leh a unaupa kum 17 a upate chuan a nu Oxygen cylinder hman lai chu an unau in an thun chawp a nih thu an sawia, oxygen an dahkhat hnuah a nu COVID-19 damlo khum bulah an dahsak ta niin an sswi.

Mahse, nakin deuhah Police-te chu Anmol Goyal nu mutna room-ah kalin a oxygen bur hman lai chu midang an ngaih pawimawh zawk (VIP) hman atan an chhuhsaka, darkar 2 hnuah Goyal nu chu a boral ta a ni.

Police-te thung chuan he thil thleng hi an pha ve nasa a, an bur lak zawk chu a bur ruak a nih thu leh refill tura an lak mai a ni an ti ve thung. Thil awmdan chhui zui mek anih thu thuneitute chuan an sawi. Video >

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!