Your Daily News

Police Officer In Bike Khalhtu A Lo Tihdin Chhan Hi I Rinphah Bak Piah Lam Daih A Ni Ang, Video Lo Thlir La!

0 10,026

Tamil Nadu Police Officer pakhat chuan kawngpuia tlan mek Bike khalhtu chu lo tidingin, a hnenah, hmeichhe kum upa tawh lam chuan a Bus chuanna atangin damdawi Bottle a thlauh palh hlauh maia, amah tanpui turin Biker chu a ngen zui a ni.

A nihna takah chuan Police Duty-ten mi an tihdin meuh chuan a tu ate tan pawh ngaih a than zan lo. Mahse, he Biker hian a rinphak bak piah lama a thil tawn chu social media lamah shared in rilru a tihlim phian tih a tarlang a ni.

Biker AnnyAruna chu Pondicherry atangin Tenkasi panin Bike in a tlan a, he hunah hian kawng laka Police duty pakhat chuan a lo tiding ta a ni. Videoa a landanin Police officer chuan Biker hnenah “Karnataka atanga lo kal a nih em” tiin a zawt a, Biker chuan “Aw ni e” tiin a chhang a!

Police Officer chuan puihna dilin, Biker hnenah a hma state Bus tlan mekah nu pakhat kum upa tawh lam chu a chuanga, a damdawi bottle chu Bus atang a thlauh palh avangin chak taka tlana um tur leh va pe turin a tanpuina a dil ta a ni.

Biker pawh chuan Police Officer ngenna chu tih hlawhtlin tumin, a sawi ang chuan chak takin a hmaa State Bus chu umin a tlanphei nghala, a um pha ve ngeia, Bus chu tidingin a Damdawi bottle chu a pe ta a ni.

Biker AnnyArun chuan “He Police Officer ngenna hi ka ti hlawhtling thei ang tih ka ring pha hauh lo” tiin a video Caption-ah ziakin a shared zui ta a ni. He video a darh chiama, reilote chhungin vawi 16,000 viewers a hmu hman a ni. > Video

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!