Your Daily News

Police Leh Forest Thuneituten Kutlawnga Keite Kawlh (Leopard) Man Tuma An Beih Laiin Keitein A Bei Leta, Hliam Tuar An Awm Phah!

0 1,123

Haryana, Panipat Behrampur thingtlang khuaah Forest department a hnathawkte leh Police te tangkawp chuan khawlaia keite vakrawlai man tumin an bei a, Station House Officer bakah department a thawk mi 2 te chuan hliam an tuar tih hriat ani.

Inrinni liam ta khan tualchhung mi pakhat chuan thuneitute hnenah an khuaah keite Leopard hmuh a nih thu message kaltlangin a hrilh a, he keite hian mi kut a tawrh loh nan chhanchhuah hna chu rescue team dinin an thawkchhuak ta ani.

SHO Sagjit Singh chuan hma a hruai nghal a, forest lam leh tualchhung Police te nen keite chu an zawng ta nghal a ni. Hun engemaw chen an zawn hnuah Keite hi zan dar 9:30pm ah an hmu a, keite hian team member te chu lo bei let nghalin, theih tawp an chhuah hnuah kutlawngin an man thei ta a ni.

SHO bakah team member hliam tuar te hi damdawi in lamah tlanpui nghal an ni a, an dinhmun a ngaihtuahawm lo niin an sawi. Deputy Commissioner pawhin Police te leh forest officials te chu an huaisenna leh an inpeknaah lawmthu sawiin a fak mawlh mawlh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!