Your Daily News

Police Hna Chelh Lai Mek Kum 33 Mi Chuan Thla A Hlauh Em Avangin A Inawkhlum!

0 1,350

Police Hna Chelh Lai Mek Kum 33 Mi Chuan Thla A Hlauh Avangin A Inawkhlum!

Tamil Nadu, Cuddalore district a khawsa Police hnathawk lai mek pa pakhat chu thla a hlauh em avangin a chenna quarter-ah a inawkhlum tih an sawi.

Prabhakaran kum 33 a upa chu a chenna hmun Police quarter, Perumbakkam ah thi a hmuh a ni a, amah hi Cuddalore Armed Police First constable tang lai a ni. A nupui Vishnupriya nen fanu leh fapa 1 an nei a ni.

Police hna thawk lai Prabhakaran leh a chhungte chu Cuddalore Armed police station quarter-ah an khawsa a, Prabhakaran hi a taksa hriselna a that tawh loh avangin doctor ten treatment an pe mek tih an sawi.

Hmanni deuh atang tawh khan, Constable Prabhakaran chuan mumang mak tak leh hlauhawm tak mai a nei tih a lo sawi chhuak tawh a. A mumangah chuan hmeichhe pakhat meialhin a hualbeh tlat chuan kuah a tum thin niin a sawi a, a mumanga a hmeichhe hmuh chu a hlauh thu leh hreawm a tih thin thute pawh a chhungte leh thianthate hnenah a lo sawi chhuak tawh nghe nghe a ni.

Vawi engemaw zat Prabhakaran chuan a chung a thil thleng avang hian hmalam hun hrilhlawkthei (fortune teller) te ruaiin an tanpuina a lo zawng tawh thin a ni. Damlohna avang chuan ni 15 chhung chawlh a la a, pooja room ah an inkhung hrang ta a. A nupui leh fate chu an thenawm Melpattambakkam-ah function hmang turin a kaltir hlawm tih an sawi.

A chhungte an lo haw chuan, pa lainatawm Prabhakaran chu ceiling ah a lo inkhai nawlh mai a, hmanhmawh takin Cuddalore sawkar a damdawi inah a nupui chuan a tlanpui nghal a, a hmun an thlen chuan doctor chuan a thi tih a puang zui ta a ni. Cuddalore New Town Police tarlan danin, mi khawngaihthlak Prabhakaran chu thlahrang a hlauh avangin a thi tih a puang zui ta a ni. A thihna avang hian Police te chuan thubuai an ziak lut nghal a, a thihdan kimchang an chhui zui mek tih an sawi.

Prabhakaran thian hnai tak leh a thawhpui ni bawk mi pakhat sawidanin, Prabhakaran hi thlahrangin a veh thin avangin thla hlauin a intihlum ngei a ni tih a sawilang bawk. Mak tak maiin, helai hmuna Police quarter ah tho hian hmeichhe police pakhat chu khawnvartui inleihin a lo inhalhlum tawh bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!