Pi Shuchiin Kachin State ni hmanpui tura Kachin ram a tlawh chungchangah lawmawm an tih rual rualin, inremna lamah pawh hei aia pen thuk leh tura an beisei thu ramdanga khawsa Kachin unauten an sawi. Rampum Adviser leh ramri Ethnic hnamte development hotu Pi Shu chu a vawi 71na Kachin State ni hmanpui turin January 8 khan PutaOo a thleng.
KSPP Vice President U Kuankarawng chuan ‘KIO pawn inrem an duh, Sipai leh KIA inkar chhia pawhin inbiak theih vek a ni. Pi Shu pawh atir lamah engmah a sawi ngai lova, hetianga inremna a rawn ngaihven deuh hrim hrim pawh hi a lawmawm thawkhat viau, engchennge a tihtheih kan lo thlir ang chu’ a ti.
US Kachin tangrual hotu U Gonsan chuan ‘tlawh chu a tha,tlawh loh ai chuan, mahse a tlawhchhan hi hlimhlawp leh an NLD Party tan hlawkna beisei vangte ni lovin keini Ethnic (Tai Yin Ta) group tana remna tluantling siam tura hmalakna tak tak a nih kan duh’ a ti. KSPP hruaitu U Kuan Ka Rawng chuan ‘2018 November khan vawi khat a rawn tlawh tawh, amaherawhchu vawi khatte pawh ‘Kachin raltlante’ chungchang a sawi lo, chuvangin keini chuan tun tum a lo kal pawh hi kan hnamten kan tangkaipui viau tur ka hmu lem lo’ a ni ve thung.
source ‘VOA’
