A PASAL ZU IN TUR, A IN SAK VANGIN NUNNA A CHAN
Zu hi sual a ni lo tiin sawi thin mah ila buaina thlentu a ni lo kan ti thei lo ang. Nizan khan hmeichhe pakhat chuan a pasal zu in tur, a in sak avangin a nunna a chan phah.
Urlawk zan dar 9 vel khan Tachilake a hmeichhe pakhat chu kawnglaiah a ruang chhar a ni. Police te chuan tualthattu Win Sei’a chu an zawng chhuak nghal a, Win Sei hi zu duh tak mai a ni a, a zurui hian a nupui kut a thlak thin tih pawh an hre chhuak bawk.
Win Sei’a zu in chu a nupui hian a nin em avangin a pasal zu chu a in sak a, win Sei’a thinrim chuan a nupui hi kutthlak a tum leh a, mahse a nupui chuan buaina pumpelh tumin pawnah a tlan chhuak a ni.
Mahse Win Sei hian a zui ve nghala an nu samah kekin kawngah chuan a kuai thlu ta chawrh mai a, Chu mai duhtawk loin an nu lu chu concrete kawngah a tauh tir ta chawrh chawrh a ni. A nupui chu Kawngah Win Sei’a hian kawngah a hnutchhiah a, a tlan bo ta a ni.
Win Sei’a hi hmeichhe sawisak case leh tualthat case a, a chhungthu rel turin Tachilake police te chuan an man.