Your Daily News

Pasal Pawmlai Nu Pakhat Kum 22 Mi Chu Damdawi Lama Thawktuten Ei Tur Hmanga Thlemin Ambulance Chhungah An pawngsual

0 1,873

India ram zet hi zawng COVID-19 avanga ram pum a buai mup mup lai pawhin kiltinah pawngsual thawm hriat tur a awm deuh reng ti ila kan daw awm love!

Thawhtan ni liam ta khan Jaipur-ah nu pakhat kum 22 a upa chu damdawi lama thawk mipa pakhat leh Ambulance driver in thil ei tur pek tiamin Ambulance chhungah an hruai lut a, he hmeichhia hi an 2 in an pawngsual zui tih hriat a ni.

Police Officer Surendra Pancholi sawidanin, Ambulance driver leh a thurualpui hian he hmeichhia hi chaw hmangin an thlem a, Ambulance chhungah luhpuiin an tlanpuia, mite hmuh loh laiin an pawngsual zui tih a tarlang.

He pawngsual tawktu (hming thup) hian Police-te a hrilh danin, mipa 2 ten thlem a, Ambulance hmanga an tlanpui hnuah an pawngsual tih a sawi a, police-te chuan hmeichhe statement hi record nghalin, he thil thleng ah hian medical professional-ten test nei turin hma an la zui tih hriat a ni bawk.

Hetih lai hian Ambulance driver leh damdawi ina thawk a thurualpui mi 1 chu Police-ten manin an kawl mek a ni. An 2 hian Indian Penal Code, Section 376D leh Section of SC/ST (Prevention of Atrocities) Act hnuaiah thubuai siamsak an nih thu Station House Officer Surendra Pancholi chuan a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!