Your Daily News

Online Zirna Nei Ve Theilo Zirlai Harsate Tan Nupa Tuakin Kawngsirah Lehkha An Zirtir

0 382

COVID-19 avangin India ram hmun tam takah zirna tan theih a ni lova, lehkha zirdan phung pawh a inthlak ta hmawk kan ti thei awm e. Online kaltlanga zirna kalpui a lo nih tak avangin zirlai tam tak chuan hmanrua an neih loh avang leh an chhungkaw harsatna avangin zirna an chhunzawm thei ta lo a ni.

Tianga zirlai tam tak lehkha zir chak si, online kaltlanga lehkha zir ve theilote tan New Delhi-ah Indian Diplomat hmasa Virendra Gupta leh a nupui Veena Gupta-te chuan naupang kum 14 hnuailamte chu kawngsirah lehkha an zirtir thin a ni.

Naupang kum 4 atanga 14 inkarte chu an chenna hmun atanga 2km a hla Yamuna lui kamah a thlawnin zirna dawng turin an kalkhawm thin tih an sawi.

Nupa tuakte hian heng subject math, science, english leh physical education-te chu an zirtir thina, naupangte zirna pekna tur hmanruate kengin an nupa hian an thawk chhuak thin a ni.

Helai chhehvelah hian chhungkaw rethei an tam avangin Online class chu an kal thei lo tih an sawia, an fate dinhmun ngaihtuahin an rilru a hah hle tih an sawi.

Heng an harsatnate hi hriain Veena leh a pasal Virendra-te chuan naupang lainatawm tak takte chu tanpui dan kawng an dap ta a ni. An fakawm hle mai. Midangte tan an thiamna leh an theihnate chu ui hauh loin an hlan a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!