Your Daily News

Office Pakhata Hmunphiattu chu Kum 10 Hnuah A Hmunphiah Thinna Office Thutphahah Thuin Hotuber-ah A Inhlangkai

0 605

Zankhat thil thuah hringnun a inthlak thleng thei tih hi thudik a ni. Tuna i dinhmun harsa tak avang khan beidawngin hnual mai suh ang che. Mi hausa leh dinhmun tha i chan avang pawhin chapo ngawt suh, hmalam hunah enge i chungah thleng dawn i hre si lo!

Kerala, Pathanapuram khuaa cheng nu pakhat kum 46 mi Anandavalli chu Office phiahfai hna thawktu niin, thla 1 ah Rs.2000 a hlawh. Tiang hian Office a phiatfai thin a, meeting pawimawh neite hnenah thingpui a sem ziah thin a ni.

Kum 10 zet a hna chu rinawm taka a thawh hnuah a hringnun chu a inthlak danglam ve ta! Hmun phiahfai hna a lo thawhna thin Office-ah ngei mai chuan hotuber nihna changin Office a luah lum ta a ni. Meeting laia a thingpui sem lo in thinte pawh chu amahin a kaihhruai tawh dawn bawk.

He nu chhuanawm tak hian Communist Party of India a luhchilh a, an khua inthlanna ah mite aiawh turin a ding ve a ni. Amah hi a felin a nungchang a tha em em mai a, miten an ngaina hle. December 30, 2020 ah inthlan result an puanga, Anandavalli chu vote 654 lai in hnehna a changa, Block Panchayat President atan hneh taka thlantlin a ni.

Nitin hmun phiata hun a lo hman tawhna Office thutphaha a thu lai an hmuh meuh chuan an mittui a tla hial tih an sawi. Anandavalli chuan “Keimah mai chuan engmah ka ti thei lova, ka hna pawh a khirh em em a ni. Ka mite tan tha taka hna ka thawh theih nan theih tawp ka chhuah dawn a ni” tiin a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!