Your Daily News

Nupui Inthleng Kuala Mipathmeichhiatna Lam Hawia Nawmchennaa Inhnamhnawih Mi 5 Police-ten An Man!

0 1,384

Kerala, Karukachal Police -te chuan nupui inthlengkuala mipathmeichhiatna lam hawia nawmchenna kalpui thin mi 5 an man tih hriat a ni a, heng mite hian nupa nunphung pangngai pelin hurherhna lam hawiin an nupuite an inthleng kual thin a ni.

Chawlhni liam ta khan nu pakhat chuan Police hnenah complaint a thehlut a, he hmeichhia hi a pasalin nupui inthleng kuala nupa nun hmanna lam hawiin a nawrlui tih Police te hmaah a sawi a ni. Police-ten a pasal hi an kutah an kawl tawh nghe nge a ni.

Police te sawidanin mi 3 dang man tur hmabak an la neih thu an sawi a, an zinga mi pakhat chuan India ram a chhuahsan tawh niin an tarlang bawk.

Karukachal SHO sawidanin, social media group hrang hrangte chu thlithlai mek a nih thu a sawi a, group 14 lai mai chu an thlithlai mek a ti a ni. An group en thlithlai te hi Facebook, messeger leh Telegram te an ni a, heng group ah hian member 1500 lai an awm nghe nghe. Group a awm te hian dan kalhin mipathmeichhiatna lam an chen thin a ni.

He thil thlenga inhnamhnawihte leh a kaihhnawih hi chhui zui mek a nih thu thuneitute chuan an sawi a, hremna na tak pek an nih tur thu an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!