Your Daily News

Nupa Tuakin An Inneih Niah Covid-19 Natna Veite Tan Oxygen Cylinder Leh Khum 50 An Pe

0 309

Pandemic avanga buaina leh harsatna namen lo kan tawh lai leh mi tam tak mang anga an awm mek laiin mi ngil nei leh tlawmngai, mahni mihringpuite tana mi inpe tam tak hriat tur an awm mek zel bawk.

Maharashtra a cheng, Eric Anton Lobo kum (28) a upa leh Nandakhal thingtlang khua a cheng Merlin kum (27) mite chuan an inneih niah Satpala khua Covid-19 Care Centrea hman tur khum 50 leh Oxygen cylinder damlote tan an pe.

Hemite nupa tuak hi Christian inneih dan pangai zui vein an inneihna chu mi 2000 lai in an chhima chaw tui hnai tak buatsaih zuiin an senso pawh a turu thawkhat viau tura ngaih ani.

Lobo chuan Kawng danga kan inneihna chu lawm kan tum ani tih a sawi lang nghe nghe. Danin a phut angin mi 20 vel chauh an inneihna hmunpuiah hian telin midang zawng chu social distancing uluk taka kalpui chungin an tel ve bawk.

Maharashtra, Palghar district ah hian mi engemaw zat an thih tawh bakah mi 1,500 lai mai positive an awm tawh thu Lobo chuan a sawi. Tianga an dinhmun a nih tak ah chuan theih ang anga damdawi lama thawkte lo puihbawm chu an tihtur a ni a tih Hindustan Time a hrilh.

“He kan hlimna hi Satpala, Visai hmuna chengte hnenah leh damlo mamawhte hnenah an mamawhte hlan chungin kan tawm ve che u a ni” tih Lobo chuan a sawi.

He an inneihna hmunah hian tualchhung MLA Kshitij Thakur leh Dr Kailas Shinde, Palghar district collector ten tawiawmin he damlo mamawh hlanna hun hi an hmanpui nghal ani.

An inneihna hunserh hman zawhin Covid-19 Care Centre lamah hian kalin he hun hi an hmang zui nghal a ni.

Eric leh Merlin-te anga hmangaihna ngah leh uikawmlo hi tun ang lai hun khirh takah khawvelin a mamawh ber chu an ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com