Your Daily News

Nizan dar 11 vel khan Muanna Veng pelh deuh kawng thlangah

0 609

Nizan dar 11 vel khan Muanna Veng pelh deuh kawng thlangah bike pahnih inzui a an phurh hmeichhe pakhat a tla a. Muanna Veng tlawmngai ten rawn hre vatin KC Vanlalchhuanga Muanna Veng pa hian a paw chho a, damdawiin pan pui nghal a ni.

A tlakna hi kham awih tak a ni a, feet 300 vel chu a ni awm e. Nula kg 65 vel put chho chu thil namai a ni lo. A hnung lamah midangin a tawlh zel tur lo dawm ve in kan chho pui thei hram a ni.

Tunah hian Synod Hospital ah a awm mek a. A chhungte pawhin an awmpui tawh e. A ring leh a ruh a tliak a hriat a ni. Amah hi Chawlhhmun lam mi a ni tih finfiah a ni tawh a ni awm e.

Vanduai thlak takin tukin dar 8 vel khan a kal ta a nih chu. A chhungte Lalpan thlamuan mawlh rawh se.

By Ricky Zohmingliana

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!