Natna Khirh Takin A Bawh Mek Tih A Hriatin A Hmangaihber Chu Kalsan Lo Tur Leh A Kianga Mu Ve Tura Ngenin Mual A Liam Ta!
Lunglei, Hauruang a khawsa nula P. Lalnunhlimi kum 34 a upa chu vanduaithlak takin nimin thin cancer avangin Trinity Hospital Aizawl-ah a boral tih hriat a ni.
Tianga nula P. Lalnunhlimi in natna khirh takin a taksa a tuam mek a ni tih a hriat meuh chuan, a rilru ngaihtuahna a hamhaihin he khawvela a mipa hmangaihber Vantea chu khawiah mah kalsan lo tur leh a kianga awm reng turin a ngen lawm lawm tih an sawi.
A kianga awm chu duhtawk mai loin natna khuma a mutnaah ngei chuan Vantea chu a kiangah mu ve turin a sawm a, amah chu kalsan tawh lo tura hrilhin, a kuah tlat mai a ni.
Nula Lalnunhlimi leh Vantea te hi thla thar December 9,2021 (Thu) ah kohhran dan thianghlima innei tur an ni nghe nghe.
A pasal neihna turin engkim ruahmanna kalpui tawh a ni a, a pasal tur Vantea tan pawh a va hrilhhaithlak dawn teh lul em!
