Your Daily News

Nagaland Thingtlang Khaw Pakhatah Lunghlu Thahnem Tak A Khawmiten An Chhar

0 1,886

Nagaland, Wanching thingtlang khuaah lunghlu an hmu chhuak tih hriat a nia, khaw miten he lunghlu hi bawhin an chhar nual tih Inside Northeastern chuan a tarlang.

He lunghlu chanchin zirchianga endik tur hian Geologists thenkhatte chuan Mon District a awm Wanching khua hi an tlawh nghal a, heng lunghlu an chhar tlezar mai chu qaurtz a ni tih an nemnghet tawh niin an sawi.

Mon District Magistrate Thavaseelan K sawidanin khawmiten heng lunghlu an chharte hi Assam lamah nuai engemaw zat man an hralh chhuak tawh tih a tarlang bawk.

Wanching khawmiten lunghlu an chhar thu chu social media platform hrang hrangah a darh chiam hnuin state sawrkar chuan he thil chhuichiang tur hian mithiamte a tir nghal a, report kimchang thehlut thuai turin in order a chhuah zui ta a ni.

Mon District Magistrate Thavaseelan K sawidanin Wanching khuaa cheng in tin deuh thaw in he lunghlu manto hi an chhar niin a sawi lang bawk. Uluk leh zualin mithiamten samples dangte nen an zirchiang leh mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!