Your Daily News

MZP Duty-te Vairengte Police Station-ah Hruai An Ni

0 405

Tukin zing dar 3:40 khan Assam leh Mizoram inbiakna a an lungawi loh avang leh Assam lamin an duh duh huna Mizoram a lirthei lut tur an dan avanga MZP lungawi lo, Vairengte leh Lailapur inkar Mizoram a Assam bungraw lut tur danga duty MZP hruaitute chu Vairengte Police Station-ah hruai an ni. MZP-te hi Police Station Vairengte ah la awm niin MZP President hnen atangin thu dawn ani.

B. Vanlaltana, MZP President chuan, Assam lamin Mizoram a bungraw lut tur an duh hun huna an dang thin chu an duh loh thu sawiin, Mizoram hian he thilah hian a lungawi lohna a ti lang ngam a ni, tiin a sawi bawk.

MZP te Police Station a hruai chhoh an nih chungchang ngaihtuahin Vawiin hian MZP-te chu President kaihhruaina hnuaiah an thukhawm dawn tih hriat a ni.

Hetihlai hian District Magistrate, Kolasib chuan MZP-te hi man an nih loh thu a sawi a, Police te pawh MZP te man lo tura tih an nih thu a sawi ve thung.

Source: Save Mizoram (FB Group)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!