Your Daily News

Myanmar-in UN human rights palai luh khap

0 509

Myanmar sorkar chuan UN  human right investigator, Yanghee Lee-i chu an rama luh a khap a, thawhpui a intiamna pawh a sut leh nghal bawk.

UN special rapporteur Lee hian January thla hian Myanmar rama human rights dinhmun enfiaha zin a tum a, tunhnaia sipaiten  beihpui an thlakna Rakhine state pawh tlawh nghal a tum a ni. Rakhinte state-a beihpui thlak a nih hnu hian Rohingya mi 650,000 chuang chu Bangladesh ramah an tlanchhe tawh a ni.

Lee chuan Myanmar sorkar thutlukna siam dan chu mak a tiin pawi a tih hle tih a sawi. Hetianga thil a tih dan aṭang hian Rakhine state bakah an ram chhung hmun danga thil thlengah thil dik tawk lo a awm ngei a ni tih a lanchian phah hle niin a sawi. July thlaa Myanmar a tlawh hnua a thusawi avangin Myanmar sorkar ngaihdan hi a danglam leh ta niin a sawi.

July thlaa Myanmar a tlawh hnu khan Lee-i hian Shan leh Rakhine state-a Myanmar security force-te chet dan hi na takin a sawisel a, hei vang hian a chungah Myanmar sorkar pawh a khirh phah ta a ni. Lee-i hian kum 2014 aṭang khan human rights investigator dinhmun hi chelhin, Human Rights Council leh UN General Assembly-a report turin kumtin Myanmar hi ṭum hnih a tlawh ziah a ngai a ni.

Myanmar hian Human Rights Council-in Myanmar-a tualchhung buaina thlenna biala human rights palzut a nih dan chhui chiang tura a ruat pawh an rama luh a khapsak bawk.

credit,vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!