Myanmar sipaipawlten human right dan an bawhchhiatna zawng zawng chu kan la khawm vek anga April thlaah International Crime Court ah kan thawn dawn a ni tiin AA lam thusawitu chuan VOA hnenah a sawi.
Helpawl kan nih avangin direct chuan kan tithei lo mahna mahse kawng dangin ICC kaldungin kan ti dawn a ni a ti. Myanmar hi ICC pawlah a tel si lova, in report chuan awmzia a nei thei dawn em ni tia an zawh chuan U Khai Tu Kah chuan ‘Keini lam atang chuan Aprila thawn theih turin kan inbuatsiah phawt, kawlram sipaiten dan an bawhchhiatna zawng zawng,tehkhin nan dik lo taka mi an thahte, mi thil an laksakte, khawtualmi an tihduhdahte, a vaiin ICC ah kan thawn ang’ a ti.
Engnge in tum ber a, hetianga ICC hnena report in pek kherna chhan hi? tih an zawh chuan U Khaitukha chuan ‘ Kawl sipai hruaitute hi dan anga hrem an nih theih nan, hrem duhtu pawl chi hrang hrang nen kan tangkhawm dawn a lawm’ a ti.
ICC thawhhona lehkhaah hian Myanmar hian hming a sign ve si lo, Bangladesh ramah Rohingyate an hnawhchhuah thu chu tun hi an rawn ngaihven tan a, mahse Rakhai bial chhunga human right an bawhchhiat thute report pe mah u la Myanmar ram chhungah chuan action an rawn la thei dawn em ni? tih an zawh chuan U Khai Tu Khah chuan ‘Kawl sipaiten ICC ah hming sign lo mahse UNO vin an tih thlat chuan a tihtheih dan a awm, chuvangin ICC chauh ni lo vin, UNO security council hmanga Myanmar sipaipawl hrem duntu pawl tamtak an awm chung pawlte nen kan inkawp anga UNO security council ah pawh kan report ang, tin tunhma ang a ni tawh lo, huatnain min bei a, heng thilah hian Pi Shukyi pawh a tel, chuvangin sipai leh sawrkar hi UNO ah kan report dawn a ni’ a ti.
AA pawh helpawl tih in ni a, nangmahni ngeiin human right dan inbawhchhiatna midangin rawn tar lang se la, engtinnge ni ang? tih an zawhna chu ‘Dan bawhchhiat kan nei lo keini AA chuan, kan ram mipuite humhim hi kan tum ber a ni a, vawin ni thlengin mipuite chungah thiltihsual kan neih ka la hre lo a ni’ tiin U Khai Tu Kah chuan a chhang.
source ‘VOA’
